Serrgêra 46. ya Partîka Karkeran a Kurdîstanî (PKK) Kampa Multecîyan a Şehîd Rûstem Cûdîyî ya Mexmûr de bi merasîmêkê bicoşî ameye pîrozkerdene. Warê pîrozkerdişî bi posteranê Rayber Apoyî, beyraqanê PKKyî şehîdanê têkoşînê azadîye yê Kurdîstanî ame xemilnayene.

Badê rêzgirewtişê semedê şehîdan Hemsereka Meclîsê Şarê Mexmûrî Filize Budak qisey kerd. Filize Budak 27ê Teşrîna Peyêne pîroz kerd û nê vatî: ''Ma badê çar serran Rayberîya xo ra xebere girewte. Bi selamanê Rayberîye ma do têkoşîn û xoverdayîşê xo xurtêr bikerê. Ma pê sereberz ê ke ma leteyêkê PKKyî yê. Şarê kurdî ke amêne waştene ke wa raştê qirkerdişî bêro, bi PKkyî bi wayîrê sîstemê newî, partî û artêşe. Selamê Rayberîya ma do ma biresnê serkewtişî.''

Aktîvîte de Stiya Nexşa ya Şengalê,Koma Qereçox, Hunermend Welat û Mem Ozan vejîyayî sehne.