Komîteya Amadekarîye ya Newroza Êlihî bi şîarê ‘’Rayberîya Azade, Komelê Demokratîkî’’ û ‘’Seba Azadîye Newroza Komelkî ya Demokratîke’’ taxa Korikî de adirê Newroze vist ta.

Xeylê kesî tewrê şayîye bîyî. Şayîye de sloganê sey “Bijî Serok Apo”, “Bê Serok jiyan nabe”, “Jin jiyan azadî”,”Ciwan fedaiyên Apo ne”, “Em ê bi berxwedanê bi ser bikevin” û “PKK gel e, gel li vir e” ameyî vatene.

Şarî dormeyê adirî de, bi merşê ‘’Çerxa Şoreşê’’ govende girewte û adirî ser ra xo eşt. 

Hemşaredara Êlihî Gulîstane Sonuka ke herinda ci de qeyûm amebi tayînkerdene şayîye de qisey kerd û vat ke ê do haştîya rûmetêne awan bikerê.

Hemsereka DEM Partî ya Êlihî Songule Korkmaz zî dîyar kerd ke Newroza emserîne do biba Newroza azadîye.

Hemvervatoxê Komîteya Amadekarîye ya Newroze û Hemserekê DEM Partî yê Êlihî Mesut Tekikî zî vat: ‘’Manîfestoyê 27ê Sibate manîfestoyê azadîye, têdûştîye û haştîye yo.’’

Bi hezaran kesan dormeyê adirî de bi deyîr, slogan û çepikan govende girewte.