Qezaya Dara Hênî ya Çewlîgî de şewato ke vizêr saetanê nêmroje de vejîya mabênê dewanê Gaz, Xodan, Vartax û Derebagî de vila bi.

Ekîbanê îtfaîye mudaxele kerd la seba ke mudexale kêm o şewat vila beno. Şewato ke merkezê bajarî ra 3 kîlometre dûr o dûyê ci reseyo merkezê bajarî.

Goreyê zanayîşê ke şarê herême ra ame girewtene warê daristanî de şewat vejîya û pêde pêde vila beno û heta nika beşêko pîl yê daristanî vêşa. Seba ke wesayîtî nêresenê cayê şewatî ganî hewayî ra mudaxale bêro kerdene la hema mudaxaleyo winayên nêameyo kerdene. Eke helêka cuwa ver şewat nêşiro hewna dewa dewa Gazî binê tehlukeyî de ya.