Merkezê Îrtîbatî û Çapemenîye yê QSDyî bîlançoya şerî ya 12ê adare eşkera kerde.

QSDyî vat: ‘’Dewleta tirke ya îşxalkere û çeteyanê ci hêrişê xo yê vera Rojawanî zêdînayî û bi nê hêrişan pêro peymananê mîyanneteweyîyan û huqûqî binpay kenê.

Cepheyê Awbendê Tişrînî de vizêr droneyanê çekdaran ê dewleta tirke dewa Xirbê Zemala ya Minbicî û awbendî dayî bombayan ver. Awbend roja çarşemeyî bi giranî dîya bombayan ver û zeraro madî qewimîya..

Dewleta tirke ya îşxalkere û çeteyanê ci bi dronan hêrişê mewzîyanê ma kerd. Tîya de hêzanê ma hîrê dronî vistî warî.

Cepheyê Qereqozaxî de dewrê Xeseq û Tîna dîyayî bombayan ver. Dewê Tina, Cada, Bir Heso, Xeseq, Dikan, Melka, Senaa û Girê Sêvê û Pirdê Qereqozaxî dîyayî bombayan ver û nê cayan de zeraro madî qewimîya.’’