Amed de seba mîtîngê 'Abdullah Ocalanî rê Azadîye, Meseleya Kurdan rê Çareserîya Demokratîke' yê 13ê teşrîna verêne xebatî dewam kenê. DBP, DEM Partî, TJA û xeylêk dezgehî keye bi keyeyî gêrenê û venga şarî danê ke tewrê mîtîngî bibo.

Qezaya Xana Axparî de bi beşdarîya Wekîle Zeynepe Oduncu xebatî ameyî kerdene.

Qezaya Erxenî de Zeynepe Oduncu esnafî zîyaret kerdî û qalê girîngîya mîtîngî kerde.

Qezaya Farqînî de Wekîle Gulcane Kaçmaz Sayyîgît venga şarî da ke bi ruhê Newroze tewrê mîtîngî bibo.

Qezaya Peyasî de Wekîle Zekî Îrmez venga şarî da ke 13ê teşrîna verêne d eMeydanê Îstasyonî de bêro pêser.

Qezaya Pasûrî de Wekîl Serhat Erenî bale ante ser ke ciwanî ganî bi beşdarîya mîtîngî qerardarîya xo bimojnê.

Qezaya Sûrî de Wekîl DEM Partî Mehmet Kamaçî ard ziwan ke ganî tecrîdê Îmraliyî bişikîyo.

Qezaya Licê de Wekîle Ceylane Akça venga pêro kesan da ke seba çareserîya haştîyane tewrê mîtîngî bibê.

Endamanê Ciwananê Şorişgêran ê Welatperweran zî vilawekî vila kerdî û venga şarî da.