Hetkarê Hemserekanê Meclîsê Rayberdişî yê Îdareyê Xoserî yê Rojawanê Kurdîstanî Hesen Koçerî armancê Komployê Mîyanneteweyî yê 9ê Teşrîna Verêne û polîtîkayê dewleta tirke û hêzanê mîyanneteweyîyan ANFyî rê ercnayî.

Ercnayîşê Hesen Koçerî wina yê:

''Komployê 9ê teşrîna verêne israrê qirkerdişê kurdan bi. Komplo ewro zî dewam kenı. Çunke komplo armanc keno ke şexsê Rayber Apoyî de pêro azadîgîran, têgêrayîşê azadîye, PKKyî û kurdan çin bikero. La no armanc ser nêkewt. Kurdî sey vizêrî ewro zî payan ser de yê. Tecrîd û hêrişê vera Rayber Apoyî çend bizêdîyê hêrişê vera kurdan zî hende zêdîyenê. La Rayber Apoyî rixmê tecrîdî zî vera komployî têkoşînêko pîl kerd û paradîgmaya neweteya azade awan kerde. 

Dewleta tirke ewro bi destûrê nê hêzan eşkena Rojawanî îşxal bikera. Nika ma safhaya diyîne ya Hemleya Azadîye de yê. Ganî ma bi tewirêkê xurtî têkoşînê xo rê dewam bikerê. Ganî safhaya diyîne de ma azadîya Rayber Apoyî bîyarê ca. Ganî vera komployî her kes wayîrê tewirî bibo. 

Eke ma sîstemê Îmraliyî hol fam bikerê ma eşkenê hedefanê komployî zî hol fam bikerê. Şerê Dinya yê Hîrêyînî 9ê teşrîna verêne de dest pêkerd. Komplogerî îtîraf kenê ke armancê înan o esas mudaxeleyê vera Rojhelatê Mîyanênî bîyo. Dima ke Rayber Apo ame esîrkerdene mudaxeleyê vera Rojhelatê Mîyanênî dest pêkerd. Ganî her kes na raştîye hol bizano. Rayber Apoyî ra hîrê serrî yo xeberêke nêna girewtene. Ganî ma têkoşînê xo emser qat bi qatî berz bikerê ke bieşkê komployî çin bikerê.''