Şîdetê vera cinî û domanan her ke şino zêdîyeno. Polîtîkayê bêcezaverdayîşî û qiseyê îqtîdarî yê cînsîyetperestî zî rayîr danê şîdetê camêrdan.

Goreyê JINNEWSî menga êlule de 30 cinîyî û domanêke ameyê qetilkerdene û 15 cinîyî û 4 domanî zî bi hawayêkê şikdarî dinyaya xo bedilnaye.

30 cinîyî zî hema hema hetê nasanê xo ra kişîyayî. 7 cinîyî hetê camêrdanê ke tede zewijnaye bîyê ra, 5 cinîyî hetê camêrdanê ke tira abirîyayê ra, 5 cinîyî hetê camêrdanê ke prosesê veradîyayîşî de bîyê ra, 2 cinîyî hetê babîyê xo ra, cinîyêke hetê cîranê xo ra, cinîyêke hetê camêrdo ke tede ciwîyayêne ra, cinîyêke hetê lajê xo ra û cinîyêke zî hetê merdimê xo ra kişîyayî.

Semsûr de 2, Kayserî de 1, Konya de 2, Anqaqa de 1, Aksaray de 1, Meletî de 1, Afyon de 1,  Hatay de 2, Kocaelî de 1, Îstanbul de 4, Qers de 1, Samsun de 1, Mêrsîn de 1, Dîlok de 1,  Aydin de 2, Sakarya de 1, Amed de 1, Îzmîr de 2, Karabuk de 1, Antalya de 1, Mereş de cinîyêke û Manîsa de zî cinîyêke ameyî qetilkerdene.