HDP seba kongre û konferansan amade yo

HDPyo ke kombîyayîşê xo yê herêmî qedînayî kongreya xo ya 4. ya tabîye û konferansê xo yê pîlî yê 3. do bikero.

Partîya Demokratîke ya Şaran (HDP) 23ê sibata 2020î de kongreya xo ya 4. ya tabîye bikero Kongre ra verî kombîyayîşê herêmîyî û kongeransî kerdî.

HDPyo ke herêmanê Dengizê Sîyayî, Ege, Çukurova, Anatolyaya Mîyanêne, Serhed û Marmaray de kombîyayîşê xo yê ciwanan û cinîyan kerdî 24-25ê çeleyî de bi şîara ''HDPyo xurtêr, têkoşîno xurtêr'' û ''Ma hêvî yê, serkewtiş ê ma yo'' Hîlton Otêle ya Anqara de konferansê xo yê pîlî yê 3. do bikero. HDP do konferansê xo yê 3. ê cinîyan zî bi şîara ''Ma azadîye de biisrar ê têkoşîn de qerardar ê'' 18-19ê çeleyî de Hîlton Otêle ya Anqara de bikerê.

Konferansê Ciwanan ê HDyî yê 3. bi şîara ''Ma sere wedarenê, ma xo ver danê, ma do faşîzm çin bikerê'' 12ê çeleyî de Merkezê Pêroyî yê HDPyî de ame kerdene. 170 delegeyî herêmanê pêroyînan ra beşdarê konferansî bîyî. Meclîsê Ciwanan o newe yê 45 kesan konferans de ame eşkerakerdene.