Heyetêko Hemserekê Pêroyî yê Partîya Herêmanê Demokratîkan (DBP) Keskîn Bayindir û Partîya Seyyewbînîye û Demokrasîyî ya Şaran (DEM Partî) ra Serhat Eren, Salîha Aydenîz, Gulcane Kaçmaz û Meymet Kamaç tede ca genê, ewro Rojawan  de Daîreyê Tekîlîyanê Teberî yê Îdareyê Xoserî zîyaret kerd.

Hemsereka Daîreyê Tekîlîyanê Teberî yê Îdareyî Xoserî Îlhame Ehmed, endamanê Daîreyê Tekîlîyanê Teberî Xalid Îbrahîm û Gulîstane Elî heyetê vewazî kerd.

Keskîn Bayindirî ke pêvînayîş de bi nameyê DEM Partî qisey kerd, nê vatî: ''Konferans do sey hedîseyêka tarîxî bêro kerdene. Ma do bi keyfê pîlî tewrê konferansî bibê. Konferans do bibo bingeyê yewîya neteweyîye ya Kurdîstanî. Şarê kurdî û Kurdîstanî qewimîyayîşan nizdî ra tewqîp keno. No zî hêvîya pîle dana ma. Vengdayîşê Haştîye û Komelê Demokratîkî yê Rayber Apoyî Rojawan de zî tesîro gird kerdo.''

Îlhame Ehmed zî vat Îdareyo Xoser hazir o ke semedê ximetê şarî her çîyî bikero.