HPGyî nasnameyê şehîdêke eşkera kerd
HPGyî nasnameyê şehîdêka Garê eşkera kerd û vat: ‘’Ma soz danê ke xeyalê Kurdîstanê Azadî û Rayberîya Azade yê embaza ma Hêvîdare qetî bi serkewtişî bîyarê ca.’’
Merkezê Îrtîbatî û Çapemenîye yê HPGyî nasnameyê şehîdêke eşkera kerd. Eşkerayîye wina ya:
‘’Milîtananê ercîyayeyan ê têkoşînê azadîya cinîyan ra embaza ma Hêvîdare 12ê tebaxa 2024î de Garê de şehîd bîye.
Embaza ma Hêvîdare peyê xo de rêçê zixmî verdayî. A bi tewirê xo pêro embazanê xo rê zî bîye mîsal.
Ma soz danê ke xeyalê Kurdîstanê Azadî û Rayberîya Azade yê embaza ma Hêvîdare qetî bi serkewtişî bîyarê ca. Ma sere de keyeyê aye yê ercîyayeyî rê pêro şarê Kurdîstanî yê welatperwerî rê serweşîye wazenê.
Nasnameyê embaza ma Hêvîdare Berxwedan Koçer wina yo:
|
|
Nameyê Qodî: Hêvîdar Berxwedan Koçer |
Embaza ma Hêvîdare keyeyêkê sêrtijî de Farqînê Amedî de dadîya xo ra bena. A ciwanîya xo de kewena cigêrayîşan pey û cuya gerîlayan meraq kena. Embaza ma Hêvîdare naye ser o bi qerardarî 2011 de tewra gerîlayan bena. A wextêk Vakur de manena û dima derbazê Herêmanê Pawitişî yê Medya bena
A wextê hêrişanê DAÎŞî de derbazê Rojawanî bena û tîya de vera nê çeteyanê barbaran şer kena. A rixmo ke birîndar bena refan nêteriknena. Embaza ma dima agêrena koyan. Embaze Hêvîdare sey gerîlaya YJA-Starî pêro erk û mesuldarîyanê xo bêkêmasî ana ca. A heta şehadetê xo zî nêvindena û têkoşîn kena.’’
