Merkezê Îrtîbatî û Çapemenîye yê HPGyî eşkerayîya nuşteyî daye û nê vatî: ''Badê vengdayîşê Rayber Apoyî yê 27ê sibate Kurdîstan de prosesêkê stratejîkî dest pêkerd. Yeno zanayene ke têgêrayîşê ma seba ke verê nê prosesî abikero û çîyo ke hewce keno bikero 1ê adara 2025î ra vîyartbar adirbirnayîş îlan kerd. Rixmo ke di mengî vîyartî ra hêrişê dewleta tirke yê vera hêzanê ma hema nêameyî vindertene. Sere de eyaletê sey Botan, Garzan û Amedî yê Vakurê Kurdîstanî heme Kurdîstan de operasyonî dewam kenê û Başûrê Kurdîstanî de vera waranê ke hêzê ma tede yê erd û hewayî ra hêrişî nêvindetî.''

Eşkerayîya HPGyî de ca dîya nînan:

''Xeta Girê Cudi-Dehleşinoyî ya Zapî ra heta dewa Bazyanî ya ke rojawanê Metîna de ya mabênê hêzanê ma û hêzanê artêşa tirke de xeylê nuqtayan de temas û pêkewtişî dewam kenê. Hêrişan de yê ke nê demî de qewimîyayî xeylê embazê ma şehîd bîyî, tewr peynî de 11ê nîsana 2025î de hêrişê dewleta tirke yê bi çekanê kîmyewîyan ê vera Girê Cûdî yê Zapî de  embazê ma Besê Têkoşîn (Zehra Zelal Araz) û Mîtra Kato (Sara Eskerî) şehîd bîyî. Eşkera yo ke mîyanê artêşa tirke û dewlete hetêko rantwerdox o ke şer wazeno, nêwezano meseleya kurdan bi rayîrê sîyasî bêro çareserkerdene hetê ci ra nê hêrişî yenê domnayene.

Pîya bi nê prosesê muhîm û tarîxîyî ke hetê Rayber Apoyî ra ame averberdene hetê hêzanê sîyasîyan ê Kurdîstanî ra gamê pozîtîfî ameyî eştene, sere de rayberê sîyasîyî yê Başûrê Kurdîstanî xeylê figuranê sîyasîyan eşkerayîye paştdayîşî dayî. Rixmê nê atmosferê pozîtîfî hêzê PDKyî vera hêzanê ma paştî danê hêzanê artêşa tirke. Vera hêzanê  ma falîyetê sey amborago, ablûqa, rayîrbirnayîş, dewleta tirke rê îstîxbaratdayîş dewam kenê. Biraybetî nê wird menganê peyênan de hetêko rantwerdox, qirker û dişmenê kurdan cedh keno ke şerî bido domnayene. Eşkera yo ke mîyanê PDKyî ra zî hetêk paştî dano nê dişmenanê kurdan.

Waro ke menga sibate de hemrayê ma fedayîyê qehremanî yê Kurdîstanî Xebat, Egid û Goran tede bi pûsûya xayîne şehîd bîyî, mabênê dewanê Guherzê û Balavê de hêzanê PDKyî 28ê nîsane de dest pê baregehê leşkerî yê bînî kerd. Seba ke rayberîya înan vat paştî danê prosesî, ameyêne pawitene ke pratîk de tay game pratîkî bêrê eştene la  paştî danê planê birnayîşê rayîrê mabênê Zap û Garê ke rayîrê gerîlayan bêro birnayene û bêrê îmhakerdene. Semedê nê ma zaf qesawet kenê. Tepiştişê na nuqtaya stratejîke parçeyêkê planê ablûqa û îmhakerdişî yê dewleta tirke yo ke wazena vera  gerîlayanê ke  4 serrî yo Zap de bi hewayêkê qehremankî têkoşînî rayra benê, bêro caardene. Vera nê fermandarîya ma ya warî 28 û 29ê nîsane de seba ke wa çew mero kiştene bi hewayêkê şenikî sey hîşyarkerdişî mudaxale kerd.

Eynî qeyde dewa Bêşîlî ya Metîna de hêzanê PDKyî nuqtayêka semedê hêzanê ma stratejîk a tede dest pê qereqolê leşkerî kerd. Eşkera yeno vînayene ke artêşa tirke ya ke pozîsyonê adirbirnayîşê gerîlayan sey firsetî erjnena  kena ke game bi game planê xo yê ablûqa û îmhayî bêro caardene. Hêzê PDKyî zî çarçewaya planê erkanê pêroyî yê tirkî de têgêrenê û wazenê gerîlayan biancê mîyanê pêkewtişêkê giranî û îmha bikerê.

Wina merhaleya tarîxî de ke semedê ameyoxê şar û têgêrayîşê ma qerarêko stratejîk yeno girewtene ma nêwezanê qet çewî de pêrodayîş û pêkewtiş bikerê. Eqsê ci de ma wazenê çarçewaya projeyê komelê demokratîkî yê Rayber Apoyî de problemanê xo bi dîyalogî çerser bikerê. Gerek hêzê PDKyî tewrê nê planê bêxêrî yê vera kurdan nêbê û paştî ci medê. Eke no falîyet teberê zanayîşê îdareyê PDKyî de beno, wa mudaxeleyê nê pratîkî bikero ke xizmetê xeta qirkere ya dewlet tirke keno. Eke no plan bi zanayîşê îdareyê berzî beno, ma veng danê ke wa nê tewirê ke feydeyê ci destewteyanê neteweyî yê şarê kurdî rê çîn o, cade caverdê. Ma veng danê heme hêzanê welatperweran û şarê xo ke wa na babete de hîsgêr bê.''