23yê kanûna 2022yî de paytextê Fransa Paris de Evîne Goyî, Mîr Perwer û Abdurrahman Kizim ameybî qetilkerdene. KCDK-E derheqê Qirkerdişê Parisî yê Diyînî de eşkerayîyêke daye. 

Eşkerayîye de ame parekerdene ke serrgêra Qirkerdişê Parisî yê 9ê Çeleyê 2013î de no qirkerdişo diyîn ameyo kerdene û wird qirkerdişî zî herê îqtîdarê AKP-MHPyî ra ameyê plankerdene.Eşkerayîye de ame parekerdene ke wird qirkerdişî zî vera Rayber Apoyî, têgêrayîşê azadîye û kurdan ameyê kerdene.

Eşkerayîye de ame vîrvistene ke dewleta tirke çend rojî verî Cîhane Bîlgîn û Nazim Daştan qetil kerdî û sûcanê xo yê şerî rê dewam kena.

KCDK-E vat: ''Dewleta Fransa hemkara nê sûcan a ke wird qirkerdişan de mesuldarî ceza nêkerdê. Dewleta Fransa bi nê tewirê xo paştî daye dewleta tirke.

Ma venga pêro kurdîstanijan, dostanê xo, hêzanê demokrasîyî û azadîye danê ke vera hêrişanê terorî yê dewleta tirke ya faşîste tewrê çalakîyanê şermezarkerdişî û merasîmanê yadkerdişî bibê. Ma nînan de rîyê dewleta tirke teşhîr biekrê û wayîrê Şorişê Rojawanî vejîyê.''