Dewleta tirke ya îşxalkere çeteyanê xo reyde hêrişanê vera Awbendê Tişrînî rê dewam kena. Nê hêrişan de 8ê çeleyî de 3 kesî şehîd bîyî, 15 kesî birîndar bîyî; 15ê çeleyî de 4 kesî şehîd bîyî, 22 kesî birîndar bîyî û 16ê çeleyî de kesêk şehîd bi û 10 kesî birîndar bîyî. 

Babîyê şehîd Lezgînî Fewzî Hecî Xeloyo ke hêrişê dewleta tirke yê vera konvoya Tişrînî de birîndar bibi ajansê ma rê qisey kerd û pare kerd ke de rixmê hêrişan zî ê do apey gamêke nêerzê.

Xeloyo ke Kobanê ra yo û mîyanê çalakîkeranê nobeta Tişrînî de cagêno vat: ''Ma binê hêrişan de resayî Tişrînî. Konvoya ma çar reyî ameye hedefkerdene. Hêriş de ma ra tayênî şehîdî û birîndarî bîyî. Heta ke pawitişê awbendî nêyarê ca ma do apey game nêerzê. Hêrişê îşxalkeran ma visnenê binê tehlukeyî. Pawitişê awbendî erkê ma yo.

Awbend ê ma yo, ê dewleta tirke nîyo. Domananê ma bi gonîya xo tîya azad kerd. Ma seba ka wayîrê şehîdanê xo û erdê xo vejîyê tîya de yê. Ma do rayîr nêdê îşxalî. Heta nefesê xo yê peyênî ma do erjanê xo bipawê û seba pawitişê erdê xo, xo ver bidê.''