Endamê Heyetê Îmraliyî û Serekwekîlê Meclîsî yê DEM Partî Sirri Sureyya Onder şewa 15ê nîsane de nêweşîya qelbî ra wedarîyabî nêweşxaneyî û hema zî servîsê ciewnîyayîşê giranî de yo.

Nêweşxaneyê Florence Nightingale yo ke tede Sirri Sureyya Onder servîsê ciewnîyayîşê giranî de yo vat: ‘’Nêweşê ma binê rîskêkê pîlî de yo, tehlukeyê ci yo heyatî dewam keno. Rewşa ci seyci ya. Parametreyê ey zî seyci yê. Vera enfeksîyon û înflamasyonî tedawîya ma dewam kena.’’