Rayber Apoyî ra ciwanan rê mesaj: Xo rêxistine bikerê

Rayber Apoyî rayraşîyayîşê ciwanan ê ver bi Amara sey rayraşîyayîşê azadîye name kerd û vat, ''Xo rêxistine bikerê, her cayî rêxistine bikerê.''

Ciwanê ke semedê rojbîyayîşê Rayber Apoyî Amedî ra ver bi Amara rayra şîyî, qezaya Xelfetî de tewrê Festîvala 4ê Nîsane bîyî.

Festîvale de mesajê Rayber Apoyî ke ciwanan rê şawit ame parekerdene. Mesajê Rayber Apoyî wina yo:

''Aşma nîsane semedê mi Ronesans o, newerabîyayîş o. Rayraşîyayîşê ciwanan rayraşîyayîşê ver bi azadîye yo. Rayraşîyayîşê ver bi azadîye muhîm o. Ez şirê ça ez xo rêxistine kena. Mekteb de grûba mi bibî ke mi reyde têgêrayêne. Komelbîyayîş wina beno. Ez domanîya xo ra nata nê kena.

Sosyalîzm komel o. Komeltî yo. Sosyalîstîye zî komelbîyayîş o. Kurdîstan de gerek bi nê zanayîşî sîyaset bêro kerdene. Nameyê nê sîyasetî komelkî û sosyalîst o. No zî bi rêxistinkerdişî beno. Rêxistinkerdiş xebata tewr muhîm a. Eke şima mekerê, ez şima zaf rexne kena. Coka şima gerek her ca de xo rêxiStine bikerî, her cayî rêxistine bikerî. Ez paştî dana xebatanê şima, selamanê xo şawena.''

Bi wendişê mesajî girseyî sloganê “Bijî Serok Apo” vatî. Meşaleyî ameyî tafînayene û fîşekê hewayî ameyî eştene. Bado ke mesaj bi kurdkî û tirkî ame wendene sloganê ''Îmraliyî rê hezar selamî'' ameyî vatene.

Ciwanan badê wendişê mesajî govende girewte.