Meclîsê Ciwanan ê DEM Partî bi wesîleya rojbîyayîşê 76inî yê Rayber Apoyî, Amedî ra ver bi Amara rayraşîyayo derg da destpêkerdene. Rayraşîyayîşê bi şîarê ‘Ma Komelê Demokratîkî Reyde Ver bi Azadîye Şinê’ roja diyîne de resa qezaya Gurnê Reşî ya Riha.

Şarê qeza bi slogana "Bijî Serok Apo" , çapik û tîlîlîyan şi vera ciwanan. Hemşaredarê Gurnê Reşî û Wekîla DEM Partî ya Riha Dîlane Kunt Ayan zî tewrê şarî ciwanî verwazî kerdî. Polîsan kerd ke verê rayraşîyayîşî bigîro la ciwanan bi slogananê "Emê tecridê bişkînin", "PKK şar o, şar tîya de yo cewab da.

Dayîkanê Haştîye vernîyê  rayraşîyayîş de cagirewt, şarî balkon û pencereyan ra û wesayîtan zî bi cinayîşê qorna paştî daye ciwanan. Ciwanan gama ke kewtî qeza û badê rayraşîyayîşî mezelê şehîdanê kurdîstanî zîyaret kerdî.

Wekîle Bêrîtane Guneş Altina ke tîya qisey kerd ard ziwan ke ê do wextê rayraşîyayîşî de  her qeza de mezelanê şehîdan zîyaret bikerê û vat, ''Beryraqa ke înan dewrê ma kerda ma do heta peynî bikirişê.''