Meclîsê Ciwanan ê DEM Partî bi wesîleya rojbîyayîşê 76inî yê Rayber Apoyî, Amedî ra ver bi Amara rayraşîyayo derg da destpêkerdene. Ciwanî resayî Siwêregî. Şarî çalakwanî bi slogana “Bijî Serok Apo” verwazî kerdî.

Şaro ke Rezanê Amedî ra ver bi Riha kewt rayîr pankartê “Jin û ciwan şopdarê Rêber Apo ne” û “Rojbûna roja vejîna gelê Kurd e” akerd û sloganê  “Rojbûna te pîroz be ey Serok Apo”, “Ciwan fedaiyên Rêber Apo ne”, "Jin, Jiyan, azadî, azad bike Rêbertî"ameyî vatene.

Çalakwanê ke resayî Siwêregî Parka Hîrgoşe de bi tîlîlîyan û slogana “Bijî Serok Apo”  ameyî verwazîkerdene. Dima bi sloananê "Rojbûna te pîroz be ey Serok Apo", "Jin, Jiyan, Azadî", "Bê Serok jiyan nabe", "Bijî Serok Apo" ver bi Parka Tanlikuyuyî rayraşîyayîş ame kerdene. Roja verêne ya rayraşîyayîşî bi slogana ''Îmraliyî rê hezar selamî'' û firnayîşê gogerçînan qedîyaye.