Îdareyê Keyeyê Şarî yê Londonî yo ke wayîrê tarîxêkê 100 serrî yo bire daye ke nameyê hîrê cinîyanê qetilkerdeyan bido hîrê salonanê xo. Nê cinîyan ra yewe zî Jîna Emînî ya, yewa bîne sîyasetmedara brezîlyayîje Marielle Franco û aya bîne zî endama Grevê Cinîyan ê Swîsre Liliane Valceschiniyiy a.

Endama Meclîsê Lozanî û Hemsereka Partîya Yewîya Çepgîran Sevgîye Koyuncu akerdişê salone de qisey kerd. Sevgîye da zanayene ke serewedaritişê Jin, Jiyan, Azadî û qetilkerdişê Jîna tesîrê pêro dinya kerdo.

Sevgîye bale ante tarîxê têkoşînê cinîyan ê kurdan ser û vist vîrî ke rejîmê Îranî cezaya îdamî daya cinîyan ê kurdan Werîşe Mûradî û Pexşane Ezîzî. Sevgîye qisey kerdişê xo bi sloganê ‘Jin, Jiyan, Azadî’ qedîna.