Şardara Cenevre Christina Kitsosa ke Partîya Sosyalîste ra ya seba şaredarîye ancî namzed a. Christina Kits ajansê ma rê qisey kerd. 

Christina Kits da zanayene ke Cenevre de meseleyêka tewr girane meseleya koçberan a û û vat: ‘’Heqê koçberan ganî bipawîyê. Mîsal kurdî şarêko aktîf û polîtîk o. Ganî şarê cîyayî bi xurtî Cenevre de bêrê temsîlkerdene. Xora partîya ma de asta federale de embazî est ê ke meseleya kurdan de eleqedar benê. Ez bi xo nînan de têkilîye tim virazenê.

Ez bi xo tewrê tay nawnayîşan bîya ke tede azadîya Birêz Ocalanî yena waştene. Ma zanenê ke Birêz Ocalan mîyanê şertanê xiraban de tepişîyeno. Ocalanî verê cû zî seba çareserîya meseleya kurdan xeylê gamî eştibî.’’

Christina Kitsos vist vîrî ek turo diyîn ê weçînayîşê şaredarîye 13ê nîsane de yo û vat: ‘’Ma vînenê ke Ewropa de têgêrayîşê populîstî xurt benê. Na babetêka krîtîk a. Coka ma venga her kesî danê le 13ê nîsane de wa raya xo bido. Ez naye zî vaja ke ez heyrana kurdan a. Kurdî seba dîyarkerdişê çarenusê xo û heqanê xo têkoşîn kenê. Ganî Abdullah Ocalan azad bibo û seba şarê kurdî hinî çareserîyêka edîle û mende bêra peydakerdene.’’