Endama Konseya Hemserekîye ya KCKyî Sozdare Avesta Stêrtk TV de bernameyêkê taybetî de rojdem ercna.

Qiseykerdişê Sozdare Avesta ra tayê noqtayê girîngî wina yê:

‘’Ez rojbîyayîşê Rayber Apoyî fîraz kena. Rayber Apo hema domanîya xo de bi nakokîyanê komelî hêsîya. Ey tim seba cinîyan û şarê kurdî têkoşîn kerd. Cinîyî û şarî coka azadîya ey sey azadîya xo vînenê. 4ê Nîsane heman wextî de rojbîyayîşê cinîyan o zî. 

Rayber Apoyî 27ê sibate de vengdayîşêk kerd. Vengdayîşê Haştîye û Komelê Demokratîkî yê Rayber Apoyî waranê 8ê Adare û Newroze de ame nîqaşkerdene. Sey têgêrayîşî ma zî vat ke ma peyê nê vengdayîşî de yê. La hema zî dewlete cewab nêda  nê vengdayîşî. Rayber Apo zî hema zî binê tecrîdî de yo. Ma eşnawit ke Rayber Apoyî keyeyê xo zî dîyo. Seba ke no proses aver şoro ganî Rayber Apo bieşko bi azadî her kesî de qisey bikero.

Vengdayîşê Rayber Apoyî seba ma zaf girîng o. La ganî îqtîdar gamêka zelale hinî bierzo. Selahîyetdarê îqtîdar û dewlete tena qalê çekverdayîşî kenê û vanê ke wa gerîlayî teslîm bibê. La gerîlayî do teslîm nêbê. Bi qiseyanê şantaj û tehdîtî çareserîye nêbena. Seba çareserîye ganî Rayber Apo azad bibo, qisey bikero. Ha nika gerîlayî pozîsyonê adirbirnayîşî de yê. La seke dewlete ney ra qayîl nîya. 

Ma qiseyanê Rayber Apoyî xo rê kenê esas. Goreyê vengdayîşê ey ganî ma têbigêrê. Hetê bînî ra azadîya Rayber Apoyî do bi têkoşînî mumkîn biba. Seba ney ganî bi taybetî dostê ma sey wayîranê Xelata Nobelî bikewê dewre têbigêrê. Seke ma vat Rayber Apo hema zî binê tecrîdî de yo. Ganî kurdî bi yewîya xo wayîrê Rayber Apoyî vejîyê.

Hinî verê azadîya Rayber Apoyî de astengîyêke nêmenda.Nika ganî ma serê ‘heqê hêvîye’ de vinderê. Şarê ma û dostanê ma dî ke kam haştîye wazeno. Ganî şarê ma û dostê ma azadîya Rayber Apoyî hîna zaf bîyarê ziwanî. Çunke azadîya ey yena manaya azadîya Rayber Apoyî. 

Şarê ma kamca de beno wa bibo 4ê Nîsane bi ronayîşê leyan, gulan fîraz bikero. Bi wesîleya 4ê Nîsane seba azadîya Rayber Apoyî wa seferberîya demokratîke bêra pîlkerdene. Ez ancî rojbîyayîşê Rayber Apoyî pêro cinîyan, ciwanan û şarê ma rê fîraz kena. Ez her kesî rê serkewtiş wazena.’’