Çarçewaya tehqîqatê ke Serdozgerîya Komare ya Îstanbulî vera HDKyî da destpêkerdene de 18ê çeleyî de 10 bajaran de sereştişê keyeyan de rojnamegerî, sendîkawanî, hunermend û sîyasetmedarî de zî tede 51 kesî bi îdîaya ''endamîya rêxistene'' ameyî destbendkerdene.Nê 51 kesî vizêr saetanê serê sibayî ameyî ardenê Edlîyeya Çaglayanî. Serdozgerîye bi waştişê wa 16 kesî bi şertê kontrolê edlîyî bêrê veradayene û 35 kesî bêrê tepiştene sewqê Dadgerîya Cezaya Sulhî kerdî.

Dadgerîye de derheqê 30  kesan de qerarê tepiştişî ame dayene. Bi îdîaya ''endamîya rêxistine'' cezaya hepsê keyeyî dîyaye 13 kesan, 8 kesî bi şertê kontorlê edlîyî ameyî veradayene.

Kesê ke ameyî tepiştene nameyê înan wina yê: "Atilla Ozdogan, Ece Yilmaz Karabacak, Ozlem Feza Sezer, Yakup Kadri Karabacak, Aynur Cengiz, Ayşe Bengi Çelik, Dilek Posl, Erkin Barın Goyluer, Kardelen Taş, Melek Kizilocak, Şengul Erdogan. Ayşe Panuş, Gazeteci Elif AkgUl, İlknur Melengeç, Mehmet Saltoglu, Rojnameger Ercument Akdeniz, İbrahim Halit Elçi, Tarık Yildiz, Zeyfu Fakir, Alya Akkuş, Endama Meclîsê Pêroyî yê HDKî Esengul Demir, Melih Kayhan Pala, Endamê Meclîsê Pêroyî yê HDKî Osman Zorba, Pinar Aydinlar, Saime Oguzhan, Serekê EMEPî ya Îstanbulî Sema Barbaros Durmuş, Semiha Şahin, Berfin Azdal, Ahmet Saymadi, Emrecan Bayram."