Wan de serkêşîya Komeleya Rojnamageran a Dicle Firat (DFG) û Komeleya Rojnamegeran ê Cinîyan a Mezopotamya (MKG) de semedê rojnamegeran Nazim Daştan û Cihane Bilgin ê ke Rojawan de hetê dewleta tirke ra ameyî qetilkerdene, eşkerayîya çapemenîye ameye orgazîkerdene.  Platformê Kede û Demokrasî zî paştî daye eşkerayîye.

Verê eşkerayîye polîsan Kuçeyê Sanatî girewt binê ablûqa û hêrişê koma rojnamegeran û sîyasetmedaran kerd.

Polîsan muxabîrê Ajansê Mezopotamya (MA) Ruken Polat, Ozlem Yacan, Mazlum Engindeniz û Sema Yuce Polat, muxabîrê Ajansê Welatî Bazid Evran û Firat Tunç, muxabîrê JINNEWSî Memihan Zeydan û rojnamegerî Zelale Tunç, Nimete Olmez û Oktay Candemir destbend kerdî.

Reyna hêrişê polîsan de bi desan kesî ameyî destbendkerdene. Nameyê înan wina yê: "Hemsereka DEM Parti ya Bajarî Gulşene Kurt, Hemserekê DBPî yê Bajarî   Cemal Demir,Hemsrekê  DEM Parti yê Artemêt Rihan Kaplan, aktîvîsta TJA Leyla Aşkan, Hemsereka  MEBYA-DERî Hanime Kaya,

Hemserekê Egitim Senî yê Şubeyê Wanî Murat Atabay, Serekê Şubeyê Emeklî Senî yê  DİSKî Timur Sagyigit, Hemserekê TUHAY-DERî Çetin Uyar, Aynure Sarica, Mehmet Demir, Refik Urar, Şevket Aslan, Nergize Abi, Serdar Çevik, Kenan Genç, Sami Akti, Aziz Guven, Talip Turan, Fırat Kirdag, Seyit Kiliç, Evine Karahan, Gurbete Gezici, Garip Yazici, Ramazan Duman, Yakup Ataş, Delil Aksoy, Metin Duman, Okkeş Kava û Nurcane Kayar."

Kesê ke ameyî destbendkerdene ameyî berdene Mudirîya Polîsan a Bajarî. Înan ra tayî raştê hêrişê polîsan ameyî.