Merkezê Çapemenî û Îrtîbatî yê HPGyî derheqê çalakîya Îdirî de eşkerayîyêka nuştekîye daye.

Eşkerayîyede ca dîya nînan: ‘‘3ê Çile de  artêşa Tirkî ya îşxalkare dormeyê Qereqolê Axûrî yê Îdirî de bi paştîdayîşê yewîyanê nimteyan operasyonêk da destpêkerdene.  Yewîyêka dişmenî ya operasyonî hetê hêzanê ma  ra wexto dert gêrîyaye binê kontrolî û 4ê Çile de saetanê şewe de hemverê ci de çalakîyêk ameye viraştene. Yewîya dişmenî ke mesafeyo nêzdî ra bi hawayêkê tesîrdarî ameyî pirodayene qaso ke tesbît bi 5 leşkerî ameyî kiştene. Embazê ma Ozgur Ronî Serhat pêkewtiş de hemverê hêzanê dişmenî de bi şerkerdişêkê qehremenkî şehîd kewt.

Çalakî ra dima artêşa Tirkî ya ke  waşt ke bi wesayîtanê zirxinan mudaxaleyê cayê çalakî bikere, hetê hêzanê ma ra bitesîrî ameye prodayene û peyser agêraye. Artêşa Tirkî ya îşxalkare bi paştîdayîşê helîkopteranê hêrişî merde û birîndarê xo bi helîkopteranê Skorsky herême ra wedartê.

Hayîdarîyê nasnameyê embazê ma yo ke şehîd kewto do dima ra rayapêroyîye dir bêro parekerdene.”