15 cinîyan ê ciwanan bi eşkerayîyêke da zanayene ke ê serrgêra 45. ya ronîyayîşê PKKyî 27ê teşrîna peyêne de tewrê gerîlayan bîyê.

Cinîyan ê ciwanan bi erbaneyan ronîyayîşê PKKyî fîraz kerd, ala PKKyî û posterê Rayberê Şarê Kurdî Abdullah Ocalanî akerdî.

Cinîyan eşkerayîya xo de wina vat:

''PKK serê erjanê şehîdanê ma Hakî Karer, Bêrîtane, Zîlane, Sara û Delale Amed de ronîya. Ma zî tewrê gerîlayan benê û soz danê ke nê erjan bipawê.

Partîya ma ha kewena serra 46. Nê 45 serran de bedelê giranî dîyayî. Dewleta tirke bi çekanê kîmyewîyan hêrişê embazanê ma yê koyan kena. Ma do qetî dîmenê şehadetê embazan Baz Mordem û Helbeste Koçerîn xo vîr a nêkerê.

Tewr peyên dişmenî bi namerdî hêrişê embazanê ma yê seu Vejîne Jîyan kerd.

27ê Teşrîna Peyêne netîceya ruhê ciwanan ê Apogîrî bi. Coka bi taybetî cinîyê ciwanî pêro ciwanî benê hedefê dişmenî.

Ma do qetî xeta xo ya Apogîre ra tawîz nêdê. Gerîlayê Herêmanê Pawitişî yê Medya cewabanê tarîxîyan danê dişmenî ro. Embazanê ma Şehîde Sara û Şehîde Rûken Mersîn de vera leşkeranê îşxalkeran çalakîyêka fedayîye kerde. Ewro zî na çalakîye dişmenî şoq kena. Hêrişê vera Vejîne Jîyan ra dima bi desan cinîyê ciwanî tewrê gerîlayan bîyî. Îşxalkerî qetî do nêresê armancê xo. Çunke ma PKK yê, Apogîr ê.

Ma sey cinîyan ê ciwanan bi tewrbîyayîşê gerîlayan eşkenê cewab bidê dişmenî. Coka ma tewrê xoverdayîşê gerîlayan bîyî. Wa dişmen bizano ke çend hêriş bikero ma hende tewrê PKKyî bibê.

Ma venga pêro cinîyan ê ciwanan danê ke wa tewrê refanê azadîye bê. Ciwanî wa na roja tarîxîye wina fîraz bikerê. Wa dişmen bizano ke ma do adirê 27ê Teşrîna Peyêne hîna gir bikerê.''