Grûbêka ciwanan ê kurdan û enternasyonalîstan ê ke wextêk wexto o perwerde vînenê serrgêra 40. ya 15ê Tebaxe de ya ke  vera kolonyalîzmê tirkî guleyo verên ame eştene,  bi merasîmêkî tewrê refanê gerîlayan bîye.

Ciwanan badê merasîmî eşkerayîye daye. Gerîlayanê neweyan Hemleya 15ê Tebaxe Rayberê Şarê Kurdî Abdullah Ocalan û şarê kurdî yê welatperwerî de pîroz kerd û  vat: ''Rayberîya Rayber Apoyî de, serkêşîya fermandarê efsaneyî hermya Egîdî de bi gama ke  15ê Tebaxe de ameye eştene melezo ke sey qederî verê şarê kurdî de amebi viraştene ame perçekerdene. Kurdî newera bîyî ganî. Hemra Egîdî bi îdeolojîya Rayber Apoyî rûhê xoverdayîşî yê Mazlûm, Ferhat, Kemal, Mehmet Xeyrî û Sarayan temsîl kerdêne.''

Gerîlayan vat: ''Rayberê Şarê Kurdî Abdullah Ocalanî bi na game qesasê bi hezaran serran girewt.  Yanî 15ê Tebaxe de qesaso pîl ame girewtene. 15ê Tebaxe de eynî wextî de zîhnîyetê camêrdê serdestî ame pirodayene ke bi Sara, Bêrtane û Zîlanan temsîlîyetê xo dî. Partîya ma PKK her çî ra ver partîya cinîyan a. Cokga ganî cinîyê ciwanî wayîrê Rayber Apo û PKKyî bivejîyê û verê xo bidê koyanê azadan.''

Eşkerayîye bi nê vatişan qedîyaye: ''Ma sey ciwanan ê kurd û enternasyonalîsan, camêrd û cinîyî seba ke nê wezîfeyê bimbarekî bîyarê ca ameyî koyanê Kurdîstanî û serrgêra 40. ya ganîbîyayîşî de perwerdeyê xo temam kerd û bi coşî tewrê refanê gerîlayan bîyî.  Ma veng danê heme ciwananê kurdan û dinya wa tewrê têkoşînê azadîye bibê.''