Zîndanê Êlihî de di tepişte Salîh Îlmîn û tepişteyo bîno ke nameyê ci nêzanîyeno Zîndanê Xarpêtî ra seba roniştişê dewa ameyî berdene bi Zîndanê Êlihî.

Waya Salîh Îlmînî Gulçîne Îlmîn pêvînayîşê telefonî de musa ke kekê ci rê îşkence ameyo kerdene.

Gulçîne Îlmîn pare kerd ke kekê ci 2018 de bi îdîaya endamîya rêxistine tepişîyayo û vat: ''4ê hezîrane de roniştişê dewa estbi coka kekê mi û embazê ci ameyî berdene bi Zîndanê Êlihî. Birayê mi û embazê ci heman koxuşî de têna vera dîyenê. Gardîyanan waşt ke payan ser o înan bihûmarê. La ê vera ney vejîyenê. Gardîyanan pê kursîyan ê eştî teber û pey zorî payan ser o vindarnayî, gefî wendî. Her hûmaritiş de na rewşe qewimîyena. Kekê mi û embazê ci îdareyê zîndanî rê vanê ke eke nê binpaykerdişê heqan dewam bikerê ê do dest pê rojeyê mergî bikerê. Xora Zîndanê Xarpêtî de nê binpaykerdişî zêdîyayî. Ez venga rayaumûmîye dana ke wa bi hawayêkê hîsgerî nêzdîyê mesele bibê.''