Mêrdîn de Hemşaredarê Qoser û Artûkluyî zî tede yê ke herinda înan de qeyûm amebi tayînkerdene û binê nameyê ''dewaya KCKyî'' de ameyêne hukmkerdene dewaya 50 sîyasetmedaran ra 21ê ci rê cezaya 148 serran û 3 mengan ameye dayene.
Serdozgerîya Komare ya Mêrdînî serra 2009î de binê nameyê ''KCK''yî de derheqê 50 sîyasetmedaranê kurdan de tehqîqatêk dabi destpêkerdene. Tehqîqatê serra 2004î ra dima derheqê her 50 kesan de dewa ameye akerdene. Vizêr roniştişê dewa Mehkemeya Cezaya Girane ya Mêrdînî de ame kerdene. Roniştiş de 21 sîyasetmedaran rê bi temamî 148 serran û 3 mengan cezaya zîndanî ameye dayene.
Mehkeme bi îdîaya ''endamîya rêxistine'' Abdulazîz Bîlgîn, Gultene Yildiz, Mehmet Dogan, Adîl Başaran, Alî Ozkan û Abdullah Akîkolî rê 8 serre; Cemal Veske, Cemal Veske, Emîne Damar, Kemal Kaçmaz, Ridvan Tarhan, Sadat Îlek, Sadiye Aslan, Selahattîn Aydogdû, Şukran Koyûncû, Atiye Aydin û Bedîî Îçen û Hemşaredara Artûkluyî ya verêne Sevînçe Bozan rê 6 serre û 3 menge; Hemşaredara Qoserî ya verêne Leyla Salman û Orhan Ablak û Tarik Acayî rê 7 serre û 6 menge; Mehmet Tarhanî rê 9 serre sey cezaya zîndanî daye.
Hetê bînî ra derheqê Mehmet Nezîr Akaalp, Naîme Akin, Ronayî Avci, Tahîr Cebe, Veysî Parildi, Ayhan Dogan, Ayşe Şîmdî, Ceylane Yalçin, Gulcîhane Gultekîn û Huznî Agirman de bira veradayîşî û derheqê Abdulcebbar Sun, Feyza Aksoy û Mehmet Reşîk Kaplanî de zî bira vindartişê dosya daye. Mehkeme derheqê dosyaya Mehmet Remzî Tanrikulu, Orhan Gumuş, Ayşe Toprak û Davut Yarici de zî heman bire daye û derheqê dosyaya Şeyf Davut Arkadaş û Tahîr Adalî de zî bira tefrîkkerdişê dosya daye.
