Wezîrîya Karanê Zereyî şaredarîyanê HDPyî yê Sêrt û qezayanê ci yê Hawêl û Misirc û bajarekê Altinova û şaredarîya Îdirî de qeyûm ca kerd. Îqtîdarê Tirkîya yo faşîstî prosesê janî de zî mabên nêda qeyûman hemşeradarê ke karî girewtî destbend kerdî.
Wezîrîya Karanê Zereyî şaredarîyanê HDPyî Sêrt û qezayanê ci yê Hawêl û Misirc de îradeyê şarî binpay kerd û qeyûmê xo ca kerd.
Hemşaredara Sêrtî Bêrîvane Helen Işik, hemşaredarê Hewêlî Ramazan Sarsilmaz, hemşaradarê Misircî Baran Akgul û hemşaredarê Îdirî Yaşar Akkuş wezîfeyê înan ra ameyî girewtene û herinda înan de qeyûm ame cakerdene.
Walî Ali Fuat Atik Sêrt de, qeymeqam Mehmet Tunç Hewêl de û Ihsan Emre Aydin zî Misircî de şaredarîyan de sey qeyûmî ameyî cakerdene. Dormeyê şaredarîyan hetê polîsan ra gerîya binê ablûqa.Hemşaredara
Hemşaredarê Sêrtî Bêrîvane Helen Işik û Peymandara Turhan, hemşaredarê Îdirî Yaşar Akkuş û Eyleme Çelîk, hemşaredarê Hewêlî Ramazan Sarsilmaz û Ozdene Gulmez, hemşaradarê Misircî Baran Akgul û Esmer Baran, hemşaredarê Altinova Casim Budak û xebatkarê Şaredarîya Sêrtî Eşref Tekîn ameyî destbendkerdene.
HDPyo ke 3ê înan bajarê girdî 65 şaredarîyî fînaybî dest heta nika 43ê înan de qeyûm ame cakerdene. Rîyê Qerarnameyê Hukmê Qanûnî (KHK) ra mazbatayê 6 hemşaredaranê ci nêdîyayî înan.
