Amed de ke ewro muecbûrîyetê xebitnayîşê maske dest pêkerd, her ke şino hûmara waqayan zêdîyena.

Dima ke waqayî zêdîyayî 4 kuçeyanê qezaya Rêzanî yê Amedî gerîyayî binê karantîna û ekîpanê fîlyasyonî tede xebate daye destpêkerdene. Kuçeyê 839, 851, 852 û 853. yê taxa 5ê Nîsane 6ê hezîrane ra nata binê karantîna de yê. Kuçeyan de dekewtiş û vejîyayîşî qedexe yê. Ekîpanê fîlyasyonî heta nika nê kuçeyan de 190 testê vîrusê Korona kerdî û înan ra 153ê ci pozîtîf vejîyayî.