Mehkemeya Ceza ya Hewlêrî 16ê sibate de bi îdîaya 'xerakerdişê asayîşî û ajanîye' cezaya zîndanî ya 6 serran daye 5 rojnameger û aktîvîstanê behdînanijan.

Şêrwan Şêrwanî, Şivan Seîd, Guhdar Zêbarî, Eyaz Kerem û Harîwan semedo ke bire şermezar bikerê 17ê sibate ra nata grevê vêşanîye de yê.

Birayê Şivan Seîdî Eyhan Seîdî Rojnewsî rê qisey kerd û vat: ''3 hewte yo ma nêzanenê Şivan ça de yo, ma tira xebere nêgênê. Gereka o her hewte pê telefonî ma reyde qisey bikero la destûr nêdîyeno.''

Avûkatê rojnamegeran Beşdar Hesenî vat: ''Ma ewro wazenê tepişteyan zîyaret bikerê û rewşa înan zelal bikerê. La ma nêzanenê ke ê do cewabê pozîtîfî bidê ma yan nê.''