19ê temmuze ra nata Zîndanê Hewlêrî de 65 tepişteyê Behdînanî seba ke bi edîlî bêrê muhakemekerdene grevê vêşanîye de yê. 

Torra Pawitişê Azadîye û Heqanê Merdiman bi eşkerayîyêke derheqê rewşa nê tepişteyan de agahîyî dayî. Torre pê hesna ke tepişteyî zîndan de raştê binpaykerdişanê pîlan ameyê û dîyar kerd  ke nê kesî îfadekerdişê fikrê xo ra ameyê tepiştene.

Torre vat: ''Tepişteyî venga pêro dezgeh û rêxistinanê mîyanneteweyîyan danê ke wa paştî bidê înan. Ganî hukmatê Herêma Kurdîstanî rê teda bêra kerdene ke nê tepişteyan vera bido.''