Merkezê Çapemenî û Îrtîbatî yê HPGyî  derheqê çalakîyanê gerîlayan û hêrişê artêşa Tirkî de eşkerayîyêk daye û nê pare kerdî:

''24ê Çile de hêzanê ma çarçiweya Hamleya Serkewtişî ya Şorişgêrî ya ke Eyaletê Serhadî de dewam kena de dormeyê Qereqolê Korxanî yê Îdirî de hemverê yewîyêka nimiteye ya dişmenî de çalakîyêk viraşte. Çalakîya ke yewîya dişmenî bitesîrî ameye prodayene de tewr tay leşkerêk ame kiştene. Dimayê çalakîye artêşa Tirkî ya îşxalkare bi tifiganê giranan cayê çalakîye bombardûman kerd.

HEREMÊ GERÎLAYAN AMEYE BOMBARDÛMANKERDENE

24ê Çile de teyareyanê artêşa Tirkî ya îşxalkare hêrişê Wareyê Pawitişî yê Medya kerd. Teyareyanê şerî saet 10.00 de dormeyê dewa Yekmalê ya pabesteya herêma Gare û herêmê Çemço û Kûnîşka yê Zapî, saetanê veraşanî de zî herêma Xinere bombardûman kerdî. Bombardûmanan de vîndîbîyayeyê ma çîn ê.‘‘