Merkezê Îrtîbatî û Çapemenîye yê HPGyî derheqê çalakîyanê gerîlayan de û hêrişê artêşa tirke de zanayîş da.

HPGyî da zanayene ke hêzanê înan semedê qesasgirewtişê fermandaranê Gabarî ra Diljîne Marya Dêrsima ke 23ê tebaxe şehîde bîye, çalakîyî kerdî, 8 îşxalkerî ameyî kiştene.

Eşkerayîya HPGyî de nê ameyî parekerdene:

Çarçewa Hemleya Serkewtişî ya Egîdê Botanî de;

''6ê êlule de artêşa tirke ya îşxalkere waranê Findikê, Çîyayê Bizina û Şehîd Bahozî yê herêma Gabarî yê qezaya Basanî ya Şirnexî de  operasyon da destpêkerdene. Hêzanê ma warê Şehîd Bahozî de  dormeyê îşxalkeran girewt û da piro. Çalakîye de tewr tay 2 îşxalkerî ameyî cezakerdene. Badê na çalakîye îşxlakerî roja bîne herême ra ancîyayî.

Artêşa tirke ya îşxalkere qezaya Dihê ya Sêrtî de waranê Berxwedan û Deşta Mistoxê yê mitikaya Çiravî ya herêma Gabarî de operasyon da desptêkerdene. 7ê êlule de mabênê dewanê Aval û Nîtê de wesayîtê tîpê Kîrpî  bi taktîkê sabotajî ame pirodayene. Na çalakîye de 6 îşxalkerî ameyî kiştene, 4 îşxlakerî zî birîndar bîyî û wesayîto zirxin bi temamî ame îmhakerdene. Badê na çalakîya serkewtîye dewleta tirke pê helîkopteran merde û birîndarê xo herême ra vetî.

Warê Xoverdayîşî yê Werxelê yê herêma Avaşînî de;

12ê êlule de artêşa tirke pê çekanê giranan Warê Xoverdayîşî yê Werxelê bombarduman kerd. Badê bombardumanî îşxalkeran ke waşt aver şirê mabênê înan û Xoverdayoxanê Werxelê de pêkewtişî qewimîyayî. Îşxalkerî rixmê şuxulnayîşê heme teknîkê xo nêeşkayî xoverdayîşê hêzanê ma bişiknê. Roja bîne îşxalkeran reyna sûcê şerî kerd û vera Warê Xoverdayîşî gazê axuyînî şuxulnayî.

Hêrişê vera Herêmanê Pawitişî yê Medya dewam kenê. Hêrişê ke ameyî kerdene wina yê;11ê êlule de dewa Bakinê û warê Pîrbila yê Heftanînî pê obusan ameyî bombardumankerdene. 12ê êlule de  waranê Mervanos, Tabûrê Ereban, Girê Sipî, Girê Sor û Girê Silêmanî de têgêrayîşê helîkopteran qewimîya û eynî roja Girê Deştanê yê warê Sinînê yê herêma Xakurkê pê teyarayanê şerî ame bombardumankerdene.''