Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê dewleta tirke de tay agahîyî dayî. Eşkerayîye wina ya:

''Çarçewa Hemleya Şorişgêre ya Cengê Xabûrî de herêma Metîna de;

19ê hezîrane de Girê Koordîne de pê taktîkê sûîkastî vera îşxalkeran çalakîyêke ameye kerdene. Çalakîye de yew îşxalker ame cezakerdene. Heman roje Metîna de têgêrayîşê helîkopteran qewimîya. Îşxalkeran nêzdîyê dewa Êzidîyî de leşkerê xo 2 reyî pê helîkopteran vurnayî û warê Kêste û Zendûra dayî bombayan ver.

Herêmê Zap û Avaşînî zî pê helîkopter û teyarayanê şerî dîyayî bombayan ver. Detayê hêrişan wina yê:

18-19ê hezîrane de warê Wexelê yê Avaşînî pê teyarayanê şerî dîya bombayan ver û tede têgêrayîşê droneyan qewimîyayî.

19ê hezîrane de îşxalkeran xîret kerd ke Girê Silêmanî yê Avaşînî de pê skorskyan leşkeranê xo bîyarê war. La mudaxeleyê hêzanê ma ra dima skorskyî herême ra şîyî. Heman roje şewe warê Girê Sorî dîya bombayan ver.

19ê hezîrane de warê Wexelê yê Avaşînî pê teyarayanê şerî 4 reyî dîya bombayan ver. Heman roje waranê Herfa Tyî û Ciloyê Biçûkî yê Zapî de têgêrayîşê helîkopteran zêdîya. Girê Şehîd Serxwebûnî de îşxalkeran hêzê xo vurnayî, warê Herfa Tyî da bombayan ver. Netîceya nê bombardumanan de erazî de şewat vejîya.''