Merkezê Îrtîbatî û Çapemenîye yê HPGyî derheqê çalakîyanê gerîlyan û hêrişê artêşa tirke de eşekarîyîyêke daye û nê pare kerdî:

''4ê tebaxe de çarçewa Hemleya Şorişgêre ya Cengê Xabûrî de Qirrika Girê Mîlîtanî yê herêma Metîna de vera îşxalkeran çalakîya sûîqastî ameye kerdene. Çalakîye de îşxalakerêk ame cezakerdene.

2ê tebaxe de çareçewa Hemleya Şorişgêre ya Bazanê Zagrosî de Qilê Koordîne yê warê Şehîde Bêrîtane yê herêma Xakurkê de vera îşxalkeran di hetan ra çalakîya koordînekerdîye ameye kerdene. Çalakîye de pê pirodayîşanê mesafeyê nêzdîyî 6 îşxalkerî ameyî cezakerdene û yew sîstemê kameraya mobese ame îmhakerdene. Badê çalakîye herême ameye bombardumankerdene. Hêzanê ma da Droneyêkê dişmenî ro û destna enkazê ci ser. Na çalakîya serkewtîya ke hetê hêzanê ma yê YJA Starî ra ameye kerdene semedê vîrardişê Fermandarê Eyaletê Xakurkê Şehîd Egîd Garzanî yo ke 11 tebaxa 2020î de  tewrê kerwanê şehîdan bi, ameye kerdene

4ê tebaxe de xeta Qaşûra ya herêma Metîna de têgêrayîşê helîkopteran qewimîya. Eynî roje ormeyê dewanê Kêste û Hirorê yê qezaya Kanî Masî ya Amedîye û warê Girê Şehîd Çîya pê helîkopteranê hêrişî ameyî bombardumankerdene. Reyna dormeyê dewanê Kêste û Hirorê pê obus û hawanan ameyî bombardumankerdene. Hetê bînî ra dewê Yekmalê û Şiyê yê bajarekê Dînartê û warê Kafya yê qezaya Akrê pê teyarayanê şerî ameyî pirodayene. Avaşîn de zî  Girê Sorî û Werxelê de tunelê şerî pê madeyanê teqayîşî û gazê kîmyewîyî ameyî bombardumankerdene. Eynî roje  warê Çemçoyî û Rênçbiraxa yê herêma Zapî hetê qereqolanê sînorî ra pê obusan ame bombardumankerdene.

Nê hêrişan de vînîbîyayeyê ma çîn ê.''