Merkezê Îrtîbatî û Çapemenîye yê HPGyî derheqê çalakîyanê gerîlayan û hêrşê artêşa tirke de eşkerayîye daye.

Eşkerayîya HPGyî de nê ameyî parekerdene:

''13ê temmuze de warê Demîrkapi yê herêma Glîdagî yê Agirî de bi tewrbîyayîşê yewîyanê miniteyan operasyonêk dîya destpêkerdene.  Hêzanê ma yewîyêka nimitîye girewte binê kontrolî û saetanê şanî de hîrê hetan ra pê çalakîya koordînekerdîye da piro. Çalakîye de tewr tey 5 îşxlakerî ameyî cezakerdene. Netîceya na çalakîya serkewtîya ke hêzanê ma bi lezîya vireyî kerde de îşxalkerî remayî, erazî ra vila bîyî. Hêzanê ma reyna erzadî da piro la hûmarê îşxlakeranê ke tîya kişiyayî bewlî nêbîye.

Hemleya Şorişgêre ya Cengê Xebûrî 

10ê tebaxe de warê Xantûrî yê Heftanînî de hêzanê ma yê YJA Starî vera îşxlakeran çalakîya sabotajî kerde. Çalakîye de xeylêk îşxlakerî ameyî cezakerdene.  Eynî roje çarçewa eynî hemle de Qirrika Girê Azadî ya Metîna de îşxalkerî pê çekanê giranan ameyî pirodayene.  11ê tebaxe de îşxalkerê ke Qilê Koordîne yê Metîna de ameybî cakerdene hetê hêzanê ma yê YJA Starî ra ameyî pirodayene. Çalakîye de îşxlakerêk ame cezakerdene û 2 sîstemê kameraya mobesse ameyî îmhakerdene.

Hemleya Şorişgêre ya Bazanê Zagrosî 

10ê tebaxe de warê Girê Sorî yê Avaşînî de îşxalkerî hetê hêzanê ma ra mesafeyo nêzdî ra ameyî pirodayene.  Tewr tay îşxlakerêk ame cezakerdene û îşxlakerî gamêke peyser ancîyaye. Reyna Girê Silêmanî de îşxalkerî pê çekanê giranan  di hetan ra ameyî pirodayene

Bombarduman

Hêrişê hewayî yê waranê gerîlayan dewam kenê. Hêrişê ke 10ê tebaxe de ameyî kerdene wina yê;

Warê Sîyanê yê herêma Garê pê teyarayanê şerî ame bombardumankerdene. Netîceya hêrişî de erazî de şewat vejîya ke hema dewam keno.

Xeta Qaşûra yê Metîna têgêrayîşê helîkopteran qewimîya û eynî saetan de dewê Dêşîşê û Seraru yê Kanî Masî yê Amedîye  û dormeyê Qirê Koordîne pê helîkopteranê hêrişî ameyî bombardumankerdene.

Warê Werxelê yê Avaşînî de tunelê şerî ameyî bombardumankerdene û 7 rey vera ci gazê kîmyewî ameyî şuxulnayene. Girê Sorê yê Avaşînî de îşxalkeranê ke waşt hêrişê tunelanê şerî bikerê bado ke hêzanê cewab da înan peyser remayî. Herême sero têgêrayîşê droneyan dewam keno. 

Warê Mervanos, Tabûrê Ereban, Girê Sor û Girê Silêmanî  de leşkerî pê helîkopteran ameyî bedilnayene. Warê Çemmoyî yê Zapî pê çekanê giranan ame bombardumankerdene.

Nê hêrişanê artêşa tirke de vînîbîyayeyê ma çîn ê.''