Merkezê Îrtbatî û Çapemenîye yê HPGyî derheqê çalakîyanê gerîlayan û hêrişê îşxalî yê dewleta tirke de eşkerayîye daye.

Eşkerayîya HPGyî de nê ameyî vatene:

Serhad

''24ê nîsane de dolanê Mercan û Amedmogluyî ya  qezaya Kemahî ya Erzînganî de 7 kamerayê ke artêşa tirke semedê kontrolkerdişê hêzanê ma ca kerdbî hetê hêzanê ma ra ameyî îmhakerdene.Warê Gilidaxî yê Herêma Serhadî de artêşa tirke operasyonêko newe da destpêkerdene.

Avaşîn

8ê hezîrane de hêzanê îşxalkeran dormeyê mewzîyanê şerî yê Werxelê de hacetê teqayîşî ca kerdî. Hêzanê ma nê hacetî îmha kerdî û dest na xeylêk malzemeyê îşxalkeran ser. 9ê hezîrane de îşxalkeranê ke waşt debikewê mewzîyanê şerî yê Werxelê bi taktîkê sabotajî ameyî pirodayene. Bado ke îşxalkeran derbe girewte hêzanê ma pê çekanê ferdîyan reyna da piro. Wird çalakîyan de 4 îşxlakerî ameyî cezakerdene. Îşxaleranê ke derba pîle werde peyser ancîyayî. Saetanê veraşanî de hêzanê ma mewzîyanê şerî ra vera îşxalkeran di qolan ra çalakîya koordînekerdîye kerde.  Çalakîye de 3 îşxlakerî ameyî cezakerdene.

Zap  

9ê hezîrane de Qilê Xeregoî de bi çekanê giranan çalakîyêke ameye kerdene, îşxalkerêk ame cezakerdene.  Eynî Roje hêzanê ma yê YJA Starî qezaya Çelê ya Colemêrgî de pê çekanê giranan da Qereqolê Girê ro. Netîceya merde û birîndarn ê dişmenî zelal nêbîye.

Gever

9ê hezîrane de qezaya Geverî ya a Colêmergî de vera îşxalkeran çalakîyêke ameye kerdene. Qilê Îxanetî yê Qereqiç Wargenima  de mewzîyî hedef ameyî girewtene. Çalakîya bitesîre de 2 îşxalkerî ameyî cezkerdene.

Bombarduman

Bombardumanê dewleta tirke yê vera dewanê Başûrê Kurdîstanî Herêmanê Pawitişî yê Medya dewam kenê. 8ê hezîrane de erazîya Qela Qumrîye yê Kanî Masî ya Amedîye 9ê hezîrane de zî  Qilê Zendûra yê herêma Metîna û dormeyê dewa Şîyê yê bajarekê Dînartê yê qezaya Akrê pê teyarayanê şerhî ameyî bombardumankerdene.  9ê hezîrane de warê Qaşûra yê Metîna de têgêrayîşê helîkopteran estbi. Warê Girê Zendûra, erazîyê Derarê û dewê Kêste û Hirorê ameyî bombardumankedene. Qirrika Mîlîtanî ya warê Derarê de zî pê helîkoperan leşkerî ameyî cakerdene. 10ê hezîrane de waranê Mamreşo û Mervanosî Avaşînî de û , Qela Bêdewê û Ciloyê Qijî yê Zapî têgêrayîşê  helîkopteran qewimîya. Warê Herfa Tyî zî ame bombardumankedene.''