Merkezê Îrtîbatî û Çapemenîye yê HPGyî da zanayene ke çalakîyê hêzanê înan ê selamkerdişê Hemlaya 15ê Tebaxe dewam kenê û derheqê hêrişê dewleta tirke û têkoşînê gêrîlayan de nê pare kerdî:

Hemleya Şorişgêre ya Bazanê Zagrosî – Avaşîn

''8ê tebaxe de îşxalkerê ke ver bi mewzîyanê şerî yê Şehîd Rêberî şîyênî ameyî pirodayene. Çalakîye de îşxalkerêk ame cezakerdene û îşxalkerî gamêke peyser ancîyayî. Eynî roje Warê Xoverdayîşî yê Werxelê de  îşxalkeran ke waşt bi kepçeyan mewzîyanê şerî birijnê hetê hêzanê ma ra pê çekanê ferdîyan ameyî pirodayene. Netîceya çalakîya îşxalkerî pîya bi keçpçeyî peyser ancîyayî.

Hemleya Şorişgêre ya Şehîd Savaş Maraşî ya Cengê Xabûrî

4ê tebaxe de Girê Koordîne yê herêma Bektorkya ya Heftanînî de vera mewzîyanê îşxalkeran çalakîye ameye kerdene. Na çalakîye de 2 kamerayê mobese û radarêk ameyî îmhakerdene. 7ê tebaxe warê Girê Sorî yê Metîna de yewîyê mîyanî yê dişmenî ameyî pirodayene. 8ê tebaxe de Warê Xoverdayîşî yê Girê FMyî de hêzanê ma kamerayêka mobesa îmha kerde. Warê Xoverdayîşî yê Amedîyê de hêzanê ma bi taktîkê sûkastî da îşxalkeran ro. Çalakîyanê cîya cîyayan de 2 îşxalkerî ameyî cezakerdene.  9ê tebaxe de Girê Amedîyê de îşxlakerî hîrê hetan ra ameyî pirodayene. Çalakîya de 9 îşxalkerî ameyî cezakerdene û îşxlakerêk birîndar bi.

Ma eşkerayîya xo ya 7ê tebaxe de vatbi îşxalkeran 6ê tebaxe de Girê Cûdîyî de leşkerêko birîndar mirnayo. Goreyê zanayîşanê ke ameyî destfînayene. No leşker pabesteyê Fermandarîya Tugayê Pîyade yê Amedî yo û grûba gonîya ci A rh+ a.

Bombarduman

Artêşa tirke ya îşxalkere 8 û 9ê tebaxe de zî tenelê şerî yê Warê Xoverdayîşî yê Girê Cûdî, Girê FM û Werxelê pê bombayanê nukleer taktîkî û çekanê kîmyewîyan dayî bombayan ver. Reyna Warê Xoverdayîşî yê Saca, Sîda, Girê Cûdî, Kurojahro, Şikefta Birîndara, Girê FMyî, warê Kanîsarkê yê Garê pê  teyara, helîkopter û obusan dîyayî bombayan ver''