Merkezê Îrtîbatî û Çapemenîye yê HPGyî derheqê çalakayînê gerîlayan û hêrişê artêşa tirke de eşkerayîye daye û nê vatî:

''26ê hezîrane de herêma Bagokî ya Mêrdînî de vera Qereqolê Xirabê Alê çalakîye ameye kerdene. Çalakîya sûîqastî de îşxalkerêk ame cezakerdene.

Avaşîn

25ê hezîrane îşxalkeran warê Girê Sorî de pê bombayanê gazî û hacetanê teqayîşî hêrişê mewzîyanê şerî kerd. Hêzanê ma vera înan çalakîye kerde. Îşxalkeranê ke derbeyî werdî peyser ancîyayî. Eynî roje heta şan vera îşxalkeranê ke waşt debikewê mewzîyan mudaxale ame kerdene. 26ê hezîrane de  reyna eynî ca de îşxalkerî bi taktîkê sabotajî ameyî pirodayene. Tîya 2 îşxalkerî ameyî cezakerdene û 1 zî birîndar bi.

Metîna

25ê hezîrane Qirrika Girê Azadî de vera îşxalkeran çalakîye ameye kerdene.  Tîya îşxalkerêk ame cezakerdeen û dima ra di kamarayê mobbese ameyî îmhakerdene.  Hêzanê ma yê YJA Starî Qirrika Mîlîtanî de vera xeyma îşxalkeran çalakîye kerde. Çalakîye de îşxalkerêk ame cezakerdene. Eynî wextî de mewzîyêka çeka A4î ameyî pirodayene.

25ê hezîrane de Qilê Şehîd Çîya û dewê Hirorê û Kêste yê Metîna pê obus û hewananê ke qereqolanê sînorî ra ameyî eştene ameyî bombardumankerdene.  Reyna warê Koordîne û erazîyê dewanê Kêste û Deşîşê yê Metîna bi helîkopteranê hêrişî ameyî bombardumankerdene. Avaşîn de zî waranê Mervanos, Banista û Tabûra Ereban de têgêrayîşê helîkopteran qewimîya. Eynî roje Qilê Şehîd Serxwebun û Ciloyê Qijî yê Zapî de zî îşxalkerî pê helîkopteran ameyî bedilnayene.''