Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

''Çarçewa ''Hemleya Şorişgêre ya Bazanê Zagrosî'' de 3ê gulane de Qilê Mamreşoyî yê Avaşînî de vera îşxalkeran pê çekanê giranan çalakîyêke ameye kerdene. Çalakîye de hedefî biîsabet ameyî pirodayene. Badê çalakîye îşxalkeran herême daye bombayan ver.

Hêzanê Pawitişî yê Hewayî yê Şehîde Delale 3ê gulane de saetanê cemê şanî de hewayî ra da Qeymeqamîya Çelê ya Colemêrgî ro. Netîceya çalakîye de banê qeymeqamîye bi hewayêkê serkewteyî ame pirodayene.

Eynî roje artêşa tirke qilanê Şehîd Munzur, Şehîd Dilgeş û Mervanosî yê Avaşînî bombarduman kerdî û dima ra pê teyarayan leşkerê xo ca kerdî. Dewleta tirke ya îşxalkere ke vera xoverdayîşê tarîxî yê hêzanê ma nêeşkena netîce bigêro û têdima derban wena, mecbur manena ke xo peyser bianco.  Artêşa tirke seba ke nêeşkena aver şiro metodanê sûcê şerî û teberê merdimîye şuxulnena. Îşxalkerê ke 3ê gulane de hetê hêzanê ma ra peyser ameyî qeldeyene gazê kîyewî yê axûyinî eştê tunelanê şerî yê qilanê Şehîd Serdar û Şehîd Munzurî. Rixmê heme hêrişan xoverdayîşo tarîxî yê gerîlayanê ma dewam keno.

Artêşa tirke ya îşxalekre hêrişê hewayî yê vera Herêmanê Pawitişî rê dewam kena. 3ê gulane de saetanê şewe de arazîya dewa Kestê, Zendûra û warê Darerê yê Metîna pê teyara û helîkopteran meyî bombardumankerdene. Reyna eynî roje Zap de zî saetanê veranî de warê Şamkê pê teyranê şerî ame pirodayene. Nê hêrişan de vînbîyayeyê ma çîn ê.''