Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye. Eşkerayîye wina ya:

''Çarçewa Hemleya Şorişgêre ya Cengê Xabûrî de herêma Heftanînî de;

2ê tebaxe de artêşa tirke ya îşxalkere mabênê waranê Girê Şehîde Bêrîwane û Şehîd Çîyagerî de operasyonêk dabi destpêkerdene. Yewinêka operasyonî hetê hêzanê ma ra gêrîyaye binê kontrolî û di reyî pê taktîkê sabotajî ameye pirodayene. Netîceya çalakîye de yewina dişmenî ra 4 îşxalkerî ameyî cezakerdene. 

5ê tebaxe de îşxalkerê ke waştêne Girê Sîyanî yê Bektorya ra ver bi Girê Kartalî şorê pê taktîkê sabotajî ameyî pirodayene. Na çalakîye de 2 îşxalkerî ameyî cezakerdene, 1 îşxalker zî birîndar bi. Artêşa îşxalkere çalakîye ra dima kişteyê xo girewtî û Keşan de operasyonêkê îşxalî da destpêkerdene. Artêşa îşxalkere no operasyon bênetîce qedîna û xo apey girewt.

Hêzanê ma yê Heftanînî semedê selamkerdişê Hemleya 15ê Tebaxe-Roşanê Gandarbîyayîşî yê Neteweyî kerdî. Nê çalakîyan de bi temamî 6 îşalkerî ameyî cezakerdene, 1 îşxalker zî birîndar bi.

Çarçewa Hemleya Şorişgêre ya Bazanê Zagrosî de herêma Avaşîn û Zapî de;

6ê tebaxe de îşxalkerê ke waştêne Girê Sorî yê Avaşînî de mewzî virazê hetê hêzanê ma ra ameyî pirodayene. Mudaxeleyê hêzanê ma ra dima îşxalkeran viraştişê mewzîyan vindarna û xo qedemeyêk apey ant.

6ê tebaxe de warê Kela Bêdewe ya Zapî de vera îşxalkeran hêzanê ma YJA-Starî pê çekanê giranan çalakîyêke kerde. Netîceya çalakîye de hedefî bi hawayêkê serkewteyî ameyî pirodayene.

Artêşa tirke ya îşxalkera ke pê xoverdayîşê Gerîlayanê Azadîye yê Kurdîstanî nêeşkaye vera tunelanê şerî bi hawayêkê giranî gazanê kîmyewîyan xebitnena û sûcanê xo yê şerî rê dewam kena.

6ê tebaxe de tunelê şerî yê warê Werxelê yê Avaşînî 8 reyî dîyayî bombayan û gazanê kîmyewîyan ver. Warî ser o têgêrayîşê droneyan dewam keno. 5ê tebaxe de warê Girê Şehîdan ê Xakurkê û 6ê tebaxe de zî warê ŞEhîd Heqî û ava Lolan dîyayî bombayan ver. 6ê tebaxe de waranê Mervanos, Tabura Ereban û Banista yê Avaşînî de têgêrayîşê helîkopteran qewimîya û qerajê Girê Sorî dîyayî bombayan ver. 7ê tebaxe de dormeyê dewanê Hirorê, Derarê û Kêste yê qezaya Kanî Masî yê Amedîyê dîyayî bombayan ver.''