Keyeyê Yildizî semedê pîknîkerdişî şi Parka Millî ya Dola Munzurî. Umut Yildizo ke (14) semedê honikbîyayîşî kewt Çemê Munzurî tede fatisya.

Serebuto ke Dola Munzurî ya ke serê bejrayîrê Dêrsim-Pulurî de ya de ame meydan, Yildiz helêke verê çiman ra vînî bi. Keyeyî xebere da ekîbanê weşî û xelisnayîşî. Cayo ke Umut Yildiz tede bi vînî de hetê awbazan ra  cigêrayîş ame kerdene. Netîceya xebata cigêrayîş û xelisnayîşî de Yildiz ame vînayene. Badê mudaxaleyê verênî Yildiz ame berdene Nêweşxaneyê Dewlete yê Dêrsimî. Rixmê heme mudaxaleyan Yildizî dinyaya xo bedilnaye. Derheqê serebûtî de cipêrsayîş dîya destpêkerdene.