Canfeda Zîlan serra 1993î de Wan de dadîya xo ra bîyo û keyeyêkê welatperwerî de bîyo pîl. Canfeda Zîlan 2012 de tewrê têkoşînê azadîye bi, koyanê heybetînan ê Zagrosan de gerîlatîye musa. Nê koyan de o beno embaz, beno şerwanêko bêters û sirê cuya azade museno. Ey 2014 de verê xo daŞingalî ke êzidîyan DAÎŞî ra bixelisno. Canfeda Zîlan sey nameyê xo çalakîyêka fedayîye kerde û 7ê gulana 2015î de şehîd bi.

Embazê ey Şoreş Gilîdaxî wina qala Canfedayî kerde: ''Serra 2013î de herêma Zagrosî de Girê Şehîde Rahîme de mi o şinasna. Mi verî zî nameyê ci zaf eşnawitbi. O pê embazî û fedakarîya xo şinasîyayêne. 

Ey xo rê çîyêk qîm nêdîyayêne, tim waştêne xo aver bero. O coka zaf hol felsefeya Rayberîye musa. ey xeylêk çîyî, kulturê xo, dengbêjîye wendî. Her wezîfe de hertim o tewr vernî de bi. Ey çend ke cuye ra hes kerdêne hende dişmenî ra nefret kerdêne. Ey cuye xo rê kerdêne esas û bi hawayêkê fedayî tewrê şerî bîyêne. Wextê şerî de zî ey tim embazê xo pawitêne.

O tim fedayîtîye ser o fikirîyayêne. Tim no pêşnîyaz kerdêne. embaz Canfeda tewr peyên Şingal de çalakîya vera DAÎŞî de embaz Pîrddoganî reyde 3 girî pakî kerdî. Wextê ke ê nêzdîyê dişmenî bîyî embazan ma ra pê hacetê bêtelî xatir waşt. Dima wextêkê dergî ey şer kerd û çalakîya fedayîtîye kerde. Ey felsefeya Rayberîye û rêxistine hol şinasnayêne. Dişmen hol şinasnayêne. Wezîfeyê ma yo ke ma wayîrê nê çêran vejîyê û têkoşînê înan ser bivisnê.''