Qezaya Bongilanî ya Çewlîgî de Cengîz Uçarê 25 serreyî çend reyan Şaredarîya Bongilanî ra karêk waşt. La şaredarîye cewabêko musbet nêda Uçarî. Uçaro ke wextêkî ra nata bêkar bi vizêr serê sibayî saete 05:00 de şi verê Şaredarîye û xo darde kerd. Hemwelatîyanê ke pê rewşe hesîyayî xebere daye ambulansî û Cengîz Uçar wedarîya Nêweşxaneyê Dewlete yê Bongilanî.

Cengîz Uçar par zî bi heman sebebî ra waşt ke bedenê xo verê Şaredarîye de bido adirî ver la xîretanê hemwelatîyan ra dima çîyêk nêkerd. 

Cenazaya Uçarî wedarîyaye morgî. Medyaya komelkîye de ame vatene ke Uçarî kundoxî xebitnayêne. La keyeyê Uçarî nê îdîayî red kerdî û da zanayene ke nê kesî serebût mîyan kenê.

Ame zanayene ke 4 way û birayê Uçarî zî bêkar bîyî û par Şaredarê Bongilanî seba karêkî soz da Uçarî la sozê xo nêard ca. Coka Uçar tim şîyêne Şaredarîye  û kar waştêne.