Deweka Dîkîlîtaşî ya dewa Çalikagilî ya qezaya Xorxolî ya Çewlîgî de seba ke di kesê ke Îstanbulî ra ameyî înan de vîrusê Korona ame desbîtkerdene deweke gerîyaye binê karantîna.

Goreyê zanayîşanê ke ameyî girewtene di kesê ke Îstanbulî ra Erzîngan û Dêrsîmî  ser ra ameyî deweka Dîkîlîtaşî ya dewa Çalikagilî ya Xorxolê Çewlîgî nêweş kewtî. Bado ke ê şîyî Neweşxaneyê Dewlete yê Qisle ame tesbîtkerdene ke ê pê janî kewtî. Neweşî Nêweşxaneyê Dewlete yê Dêrsimî de gerîyayî binê tedawî û 20 kesê ke bi nêweşan temas kerdo keyeyanê xo de gerîyaye binê karantîna.

Deweka Dîkîlîtaşî  rê dekewtiş û vejîyayîşî bîyî qedexe.  Karantînaya ke 2ê hezîrane de dest pêkerd do heta 16ê aşme dewam bikero.