Erlerzê Çewlîgî ya ke merkezê ci Kanîreş bi û bi girdîya 5.7î de qewimîya de qezayanê Kanîreş û Çermê yê Çewlîgî û qezaya Çadî ya Erziromî de 22 awanîyî rijîyayî û 214 awanîyan de zî xesaro giran ame tespîtkerdene. Reyna xeylêk dewê bînî estê ke xesaro gird dîyo  la berpirsîyarî nêşîyê nêdewan û xebata tesbîtkerdişê xesarî nêkerda. Hûmara cayanê ke rijîyayî û xesaro giran dîyo hûmara fermîye ra zafêr a.

Dewanê Çîflîk û Sakaorenî yê Kanîreşî de dewijê  ke nêeftanê bîkewê bananê xo yê xesarinan kasayanê kamyonan de mananê. Dewijan vat heta ewro xeymêk nêdîyaya înan û seba ke tersê rijîyayîşê bananê înan esto  ê teber de mananê. Reyna şarê dewanê Kanîreş û Çêrme ke bananê înan de xesaro giran esto waşt ke wa ban û axûrê înan bêrê newekerdene.