Şîdetê polîsano ke tim rojdem de yo na rey zî xo Çewlîg de ramot. Çewlîg de di birayî û pîyê înan bi şuxulnayîşê şîdetî ameyî destbenkderdene.

Mehleya Ûydûkentî ya merkezê Çewlîgî de ciwano bi nameyê Berat Çetino ke aşxane de xebityeno, bi seboke goştarî polîsan nêkerd û nêvindeto raştê hêrişê polîsan ame. Polîsan Çeçenî rê heqeret kerd û ci rê şîdeto fîzîkî kerd. Birayê ciwanî Kadîr Çeçeno ke hêrişê polîsan dî waşt ke mabênê înan bikewo. Polîsan na rey hêrişê birayê ciwanî kerd. Bado zî pîyê ciwanan Lutfu Çeçenî waşt ke mudaxele bikero û vernîyê şîdetî bigêro. Polîsan na rey zî hêrişê ey kerd. Polîsan bi şîdetî pî û her di lajê ey destbend kerdî. Rixmo ke şarî reaksîyon da zî polîsan tewirê xo nêbedilna û şîdetê xo hîna zêdîna.