14ê hezîrane de bi şîdetê 5.7î qezaya Kanîreşî ya Çewlîgî de erd lerzîyabi la rayîrê tay dewan û dewekan ê ke erdlerzî tesîrê ci kerdî, girewte yê.

Wekîlê HDPyî yê Çewlîgî Erdal Aydemîrî erdlerzî ra verî herême de tay cigêrayîşî kerdî û da zanayene ke peygoşîye û polîtîkayê cîyakerî erdlerz de xo mojnayî ra  û nê çîyî vatî: ''Ma nêeşkenê biresê dew û dewekan. Rayîrê elewîyan peygoş benê û seba ke rayîrê înan nika pirrê lince yê nêresîyeno dewan. Mi Meclîs de na babete ardbi rojdem û vernîyazêkê persî da. Ez xîret kena ke na mesele çareser biba. Hukmat ganî cade keyeyan bivirazo û zimistanî ra verî mexdûrîyetê şarî bêro peydakerdene. Hetê bînî ra ganî cade robar, tuwalet û axurî zî bivirazîyê.''