Dewa Valêre ya qezaya Dara Hênî ya Çewlîgî de 20 serrî verî binawanîya kanalîzasyonî amebî viraştene. Ê çaxî ra nata dewe de meseleya kanalîzasyonî nêqedîyaye.

Kanalîzasyonê dewe seba ke herikîyeno axpînan hînî weşîya dewijan û heywanan rê gef waneno.

Dewijanê Valêre da zanayene ke kanalê kanalîzasyonî akerde yo û seba ke nêzdîyê dibistane yo wendekarî wextê termînî de boye ra zehmetîye ancenê. Dewijan ard ziwan ke heywanê ke awa kanalîzasyonî wenê, benê nêweş û mirenê. Dewijan pare kerd ke awa kanalîzasyonî herikîyena axpînan coka ê axpînan zî nêramenê.

Dewijan pê hesna ke rixmê muracatanê înan zî mesele nêameye çareserkerdene û venga selahîyetdaran da ke wa vengê înan bieşnawê.