Qezaya Bongilanî ya Çewlîgî de ciwanê bi nameyê Masum Kaya, Necmetîn Evranas, Furkan Kiliç û Yusuf Genç yê ke Yuzen Ada (Girawa ke Asnawe kena) de wesayîtê xo de  muzîko kurdkî goştarî kerdêne, raştê hêrişê qoricîyan ameyî.

Goreyê zanayîşanê ke ameyî girewtene ciwanî verî raştê tacîzî fekkî ameyî û dima ra hetê di leşkeran û 5 qoricîyan ra raştê hêrişî ameyî. Ciwanan xebere daye merdimanê xo û dima ke merdimê înan ameyî pêrodayîş vejîya. Qoricîyan çeke şuxulnayî û hêrişê çeke de apê Furkan Kiliçî linga xo ra birîndar bi. Kiliç ame berdene Nêweşxaneyê Dewlete ya Bongilanî. Ame vatene ke çar ciwanê ke ameyî derbkerdene û Kiliço ke ame birîndarkerdene qereqol de îfadeyê înan ameyî girewene.